الرئيسية
نـاصر ذو الستة اعوام
ناصر: يايبه مابي ادرس ياخي
أبو ناصــر: اجل ياخي الله ابو اللي انت سبهته ... كم مره قلت لك لاتقول ياخـــي والا منــيــب كفو
تقول لي يبه ياثور
ناصــر : طيب يبه بس مابي ادرس والله مليت من الدراسه والاستاد دايم يهزئني ويقول انك دب ونومك واجد بالفصل
ابو ناصر : وجع وشلون مليت وانت توك بأولى ابتدائي الله ياخذك .... ماأمداك تمل !!! وبعدين هو
صادق الاستاد وانا ابوك وانت لازم تخفف وزنك والا وانا ابوك فيه طالب بأولى ابتدائي امه تصلح له
فسحته سندويتش دجاجه مع الرز ....
شف عيونك الله يقطعك معاد تنشاف من هالخدود يالله اذا فتحت عيونك نلزقها بلزاق عشان توضح ....
ناصــر : ياخي ياحظي والله مالقاها الا انا عندي ابو خفيف دم وينكت ماشاء الله عليه .....
ماامدا ناصر يكمل كلامه الا وابوه سافه بالتلفزيون واشوا امداه ينحاش لغرفته ولا جاه شي
ابو ناصر وفي لحظة استسلام : وش اسوي بهالولد يام ناصر ذبحني الله ياخذه ذبحـــــني
أم ناصر وهي فاطسه من الضحك وتحاول تسوي نفسها متحمسه : يابوناصر استغفر ربك وترا ولدنا
ناصر احسن العيال بس الظاهر ان هالمدرسه ماعرفوا له والا وش حليله ولدي يسمع الكلام ومؤدب
والله انه اذكى من عيال اختي منيره ... مير هذوليك الله يخلف عليهم الظاهر ان روسهم مافيها الا قواطي وقراطيس
يام ناصر انا ادري ان ناصر ذكي والا ظنك هالكلام اللي يقوله كلام واحد عمره ست سنوات ؟؟
نعنبوه احيانا احس انه اكبر مني ويعرف شي مااعرفه
ناصر وهو يطل من فوق الدرج اللي بالصاله : يبه الله لايهينك رح حرك الدش مدري وش فيها قناة ال
بي سي ماتطلع وياليت تكفى تقول لمرتك تجيب لي الغدا ترا حايمتن كبدي من استاد عبدالله اليوم ولا افطرت
الله ابو ابو ابو ابو ابو ابووووووووك يالسمرمدي <<< هالكلمات قالها ابو ناصر وهو يمشي مليون بيطلع الدرج عشان يفرش ناصر اللي عــط لغرفته وقفل الباب
أم ناصر : ناصر وانا امك ترا مايصلح هاللكلام اللي تقوله لابوك .. وترا وأنا امك ابوك لازم تحترمه
وتحسسة انه ابوك مهوب تقوله ياخي والا يابوالشباب والا تدفه وهو نازل من الدرج ترا هاللي تسويه عيب وانا امك ( وجه كله حنان أمومه )
نــاصر وبكل تناحة : اقول وش عندك ياأمينة رزق وبعدين ترا اللي بيني وبين رجلتس هذا شغل رجال وماله داعي الحريم يتدخلون عشان ماتحرجون انفسكم بس
أم ناصر : مير الشرهه علي اللي جاية احاتسيك جعلها بوجهك هاللي كنه بطن بزر والا انا اصلا
غاسلتن يدي منك والظاهر اني ابوافق ابوك انه ينطلك بالاحداث الين تعقل وتصير رجال
ناصر :اشغلتونا بهالاحداث كل شوي بنوديك للأحداث واخرتها ماوراكم الا الحتسي بس يالله الله
يعافيتس روحي لرجلتس تراي مشغول وعندي شريط بلاي ستيشن الدوري الاسباني ناوي العب بحسبت برشلونه
بعد صلاة العشاء وفي جو عائلي وابوناصر وام ناصر وناصر جالسين بالصاله يتفرجون على مسلسل لبناني ومنسجمين مع المسلسل
ناصر : الحين يبه الدخـــان زين
ابوناصر بعد مامغصه بطنه وبلع ريقه : وراه وانا ابوك وش انت ناوي عليه وجع
ناصــر : لا والله سلامتك بس اسأل
ام ناصر : وانا امك الدخان مهوب زين ولايشربه الا الدشير وتراه يجيب السرطان
ناصر : شفتوا شفتوا شفتوا يوم اقولكم مابي ادرس ترا استاد عبدالله يدخن .. يعني داشر يعني انا صادق يوم قلت مابي ادرس لأني اخاف يدشرني
ابوناصر وهو متحطم ومتحسف انه اعرس : وانا ابوك ماعليك من استاد عبدالله انت خلك بحالك وانتبه لدروسك والسنة الجايه ابنقلك لمدارس المملكة هاه وش قلت
نــاصر : ايه العب علي مثل العاده اي مدارس مملكة ياخي وانت مابعد سددت اقساط موترك ....
ابو نــاصر : اسمع عاد .. والله لو ادري انك تفكر تدخن والا تجرب الدخان اني لااذبحك واجدعك
بالزباله ...
ناصــر :طيب ورا ابو استاد عبدالله ماذبحه ورماه بالزباله وهو يدخـــن
الأبو حس انه توهق ويبي يصرفها :
الا وش رايك نروح للبقاله وانا ابوك نشتري بعض الاغراض
وفي طريقهم للبقاله :
ناصـر :الا يبه ابسألك
أبوناصر :هلا حبيبي ناصر اسأل وانا ابوك اسأل
نــاصر وبكل سباهه : الحين اذا كبرت وابي يجيني عيال وش اسوي
ابونــاصر : ههههههههههههههههههههههه اذا بغيت تجيب عيال لازم تتزوج وانا ابوك
نــاصر : طيب وشلون يعني ؟؟ وش دخل العرس بالعيال ؟؟
ابو ناصر :شف شف شف وانا ابوك هالخبل اللي بيقطع الاشاره الله يهديه بس <<< ابوناصر في
محاوله يائسة لتغيير السالفه .... هههههههههه ...
نــاصر : المهبول مايدري انه بيصدم ويمكن يموت <<< الحيوان يسايس ابوه
ايوه يبه ماقلت لي وش دخل الزواج بالعيال
ابو ناصر: ياناصر ياولدي العيال مايجون الا اذا تزوج الواحد لأن الحرمه هي اللي تولد وتجيب العيال
ناصر : يعني طيب ماتموت الحرمه وهم كل شوي يشقووون بطنها عشان تولد ؟؟؟
ابوناصر بكل ثقه : ههههههههههههههههه لالالالا وانا ابوك الولد مايطلع مع بطن امه
ناصر بكل سباهه بريئة : اجل من وين يطلع
ابو ناصر : الله ابو ابو ابو ابو ابوووووووووووك ياحيوان والشرهه اصلا على اللي يوديك للبقاله مار هونت ولافيه بقالات ولا شي وابيك من الحين الين نوصل البيت تنطم ولا تقول اي كلمه
وهذي السالفه انتهت ..... يالله عاد .... اتحفونا بردودكم ....
والله يستـــــــــر ....
